കുവൈത്ത് സിറ്റി : പ്രവാസ ജീവിതം നിർത്തി നാട്ടിലേക്ക് പോകുന്ന ടി.പി. അബൂബക്കറിന് കേരള ഇസ്‌ലാമിക് ഗ്രൂപ് മെഹ്ബൂല യൂണിറ്റ് യാത്രയയപ്പ് നൽകി. യാത്രയയപ്പ് യോഗത്തിൽ എം.ഐ.മുഹമ്മദ് നസീം, സുനീർ ചെങ്ങമനാട്, പി.എം. അഷ്‌കർ, കെ.വി.നൗഷാദ്, എം.കെ.നജീബ് എന്നിവർ ആശംസകൾ നേർന്ന് സംസാരിച്ചു. അബൂബക്കർ മറുപടി പ്രസംഗം നടത്തി. അബൂബക്കറിനുള്ള ഉപഹാരം കെ. ഐ. ജി. അബൂഹലീഫ ഏരിയ പ്രസിഡണ്ട് അബ്ദുൽ ബാസിത് നൽകി. മലപ്പുറം വളാഞ്ചേരിക്കടുത്ത് പാണ്ടികശാല സ്വദേശിയായ അബൂബക്കർ നീണ്ട 19 വർഷത്തെ പ്രവാസ ജീവിതം നിർത്തിയാണ് നാട്ടിലേക്ക് പോകുന്നത്. അബൂഹലീഫ കുവൈത്ത് മാജിക്കിന് സമീപം കോർണീഷിൽ നടന്ന യാത്രയയപ്പ് യോഗത്തിൽ യൂണിറ്റ് പ്രസിഡണ്ട് കെ. എം. ഹാരിസ് അദ്ധ്യക്ഷത വഹിച്ചു. യൂണിറ്റ് സെക്രട്ടറി സുനീർ സ്വാഗതം പറഞ്ഞു.
അബൂബക്കറിന് യാത്രയയപ്പ് നൽകി
