കുവൈത്ത് സിറ്റി: വിവിധ ഘട്ടങ്ങളിൽ നടത്തിയ പരീക്ഷകളിൽ ഉന്നത വിജയം കരസ്ഥമാക്കിയവർക്ക് ഖുർആൻ സ്റ്റഡി സെന്റർ സമ്മാനങ്ങൾ വിതരണം ചെയ്‌തു. ഖുർആനിലെ ആലു ഇമ്രാൻ അധ്യായത്തിന്റെ നാലാം ഘട്ട കോഴ്‌സിന്റെയും വെക്കേഷൻ കാലത്ത് ഖിയാമ അധ്യായത്തെ അടിസ്ഥാനമാക്കി നടത്തിയ ഹൃസ്വ കാല കോഴ്‌സിന്റേയും പരീക്ഷ വിജയികൾക്കാണ് കഴിഞ്ഞ ദിവസം മസ്‌ജിദുൽ കബീർ ഓഡിറ്റോറിയത്തിൽ നടന്ന ഹജ്ജ് ഉംറ സംഗമത്തിൽ വെച്ച് സമ്മാനങ്ങൾ നൽകിയത്.
വിജയികൾക്ക് ഡോക്‌ടർ അമീർ അഹ്‌മദ്‌ സമ്മാനങ്ങൾ നൽകി. എൻ പി അബ്‌ദു റസാഖ് (റിഗ്ഗഇ), ശബാന നൗഷാദ് (മംഗഫ്), തസ്‌ലീന റസാഖ് (മെഹ്ബൂല), സമീറ അബ്‌ദുൽ അസീസ് (മെഹ്ബൂല), സൽമ മുഹമ്മദ് (മംഗഫ്), കെ.പി. ജഫ്‌സീർ (ഫർവാനിയ), ഫാത്തിമ (അബ്ബാസിയ), അസ്‌മിന (ഫർവാനിയ), അഫ്‌താബ്‌ (ഫർവാനിയ) എന്നിവർ സമ്മാനങ്ങൾ ഏറ്റുവാങ്ങി. സർട്ടിഫിക്കറ്റും കാശ് അവാർഡുമാണ് സമ്മാനമായി നൽകിയത്.
സമ്മാന ദാന സെഷൻ ഖുർആൻ സ്റ്റഡി സെന്റർ കൺവീനർ നിയാസ് ഇസ്‌ലാഹി നിയന്ത്രിച്ചു. കെ.ഐ.ജി. വൈസ് പ്രസിഡണ്ട് സക്കീർ ഹുസൈൻ തുവ്വൂർ അദ്ധ്യക്ഷതവഹിച്ചു.
